နာကျင် ကိုက်ခဲမှုရဲ့ လက်ဆောင်

လေ့ကျင့်ခန်း အသစ်တစ်ခု လုပ်ကြည့်လိုက်တဲ့ နောက်နေ့ ။
လှေခါးဆင်းရင်း ဒူးတွေ မခိုင်တော့ပဲ တုန်နေဖူးလား ?

ပထမဆုံး တွေးမိတာက "တစ်ခုခု ပျက်စီး သွားပြီလား" ဆိုတာပဲ ။

ဒါက ပျက်စီးမှု မဟုတ်ဘူး ။

လေ့ကျင့်နေတုန်း ကြွက်သားအမျှင်တွေမှာ အသေးစား စုတ်ပြဲမှု သန်းချီ ဖြစ်ပေါ်နေတယ် ။
ခန္ဓာကိုယ်က အဲဒါကို ပြင်ရုံနဲ့ မရပ်နေဘူး ။
ရှေ့ကထက် အနည်းငယ် ပိုအားကောင်းအောင် ပြန်တည်ဆောက်တယ် ။
နောက်တစ်ခါ အလားတူ ဝန်ထုပ်ဝန်ပိုး ကြုံလာရင် ပိုခံနိုင်ရည်ရှိအောင်ပါ ။

သိပ္ပံပညာရှင်တွေက ဒီလက္ခဏာကို Hormesis လို့ ခေါ်ကြတယ် ။
အနည်းငယ် ဖိအား ပေးလိုက်ရင် ၊ အားနည်းသွားမယ့်အစား ပိုအားကောင်းလာတတ်တဲ့ လက္ခဏာတဲ့ ။

ဘဝထဲက နာကျင် ခက်ခဲမှုတွေလည်း ဒီအတိုင်းပါပဲ ။

ရင်ဆိုင်ရခက်တဲ့ Project တစ်ခု ၊ ခက်ခဲတဲ့ စကားဝိုင်းတစ်ခု ၊ မလွယ်ခဲ့တဲ့ နှစ်တစ်နှစ် —
အဲဒီအချိန် နာကျင် ကိုက်ခဲနေတာ ပျက်စီးနေတာ မဟုတ်ဘူး ။
ပြန်လည် တည်ဆောက်နေတာ ။

ဒါပေမယ့် တစ်ခု သတိထားစရာ ရှိတယ် ။

ကြွက်သားက အားကောင်းလာတာ လေ့ကျင့်ချိန်မှာ မဟုတ်ဘူး ။
အနားယူချိန်မှာ ။

အနားမပေးဘဲ ဆက်တွန်း နေရင် ပြန်မတည်ဆောက်နိုင်တော့ဘဲ ၊
ပျက်စီးမှုချည်းပဲ ကျန်ခဲ့လိမ့်မယ် ။

ဒီတော့ နောက်တစ်ခါ နာကျင် ကိုက်ခဲနေတဲ့ ရက်တွေ ကြုံလာရင် —
ကိုယ့်ကိုယ်ကို ပြန်မေးကြည့်ပါ ။
"ဒါ ပြန်တည်ဆောက်နေတာလား ၊
ဒါမှမဟုတ် အနားမရဘဲ ကျန်ခဲ့တာလား ?"

ပြန်ဆောက်နေတာဆို ဆက်သွားပါ ။
အနားမရဘဲ ကျန်ခဲ့တာဆို ရပ်ပါ ။
ကိုယ့်ကိုယ်ကို နားနေခွင့် ပေးပါနော် ။

💚 ဒီနေ့ မိတ်ဆွေရဲ့ ဘဝထဲမှာ "ကိုက်ခဲနေပေမယ့် ပြန်တည်ဆောက်နေတဲ့" အချိန်တစ်ခု ရှိလား ?

Bonus လေး Comment မှာ ချန်ထားခဲ့ပါတယ်နော် 👇

You don't get stronger in the strain. You get stronger in the rest.

ကုသိုလ် ၊ ပညာ ၊ ဥစ္စာတိုးပွားတဲ့နေ့လေးဖြစ်ပါစေ ။

မိတ်ဆွေတို့ရဲ့မောင်ပီစီ