လည်ပင်းပေါ်က ကလေးတစ်ယောက်

ညနေဘက် ဖုန်းကြည့်နေရင်း လည်ပင်းနောက်ကျော ရုတ်တရက်နာလာဖူးလား ?

ပထမဆုံး တွေးမိတာက "အိပ်ရာ မကောင်းလို့ပါလား" ဆိုတာပဲလေ ။

ဒါ အိပ်ရာကြောင့် မဟုတ်ဘူးလေ ။

လည်ပင်းက ခေါင်းရဲ့ အလေးချိန်ကို အမြဲ ထမ်းနေရတာပါ ။
ခေါင်းနဲ့ ပခုံးက တည့်တည့်ရှိနေရင် ဒါက ၁၀-၁၂ lb လောက်ပဲ ။
ဒါပေမယ့် ဖုန်းကြည့်ဖို့ ခေါင်းငုံ့လိုက်တိုင်း
ဒီဝန်ထုပ်က တိုးလာတာပါ ။

Spine surgeon Kenneth Hansraj ရဲ့ 2014 သုတေသနအရ
ဒီဂရီ ၁၅ လောက် ငုံ့ရင် ၂၇ lb ၊
ဒီဂရီ ၆၀ အထိ ငုံ့လိုက်တာနဲ့
လည်ပင်းက ၆၀ lb လောက် ထမ်းရသလို ဖြစ်သွားတယ်တဲ့ ။
၈ နှစ်သား ကလေးတစ်ယောက်ကို
နေ့လုံး လည်ပင်းပေါ် ချီထားသလိုပါပဲဗျ ။

ဒါလည်း တစ်ချက်တည်း ငုံ့လိုက်လို့ ဖြစ်တာ မဟုတ်ဘူး ။

Email တစ်စောင် ဖတ်ဖို့ ငုံ့တာ ၊
Chat တစ်ခု ပြန်ဖို့ ငုံ့တာ ၊
Feed တစ်ချက် ကြည့်ဖို့ ငုံ့တာ —
တစ်ခုချင်းစီက ခဏလေးပါပဲလို့ ထင်ရပေမယ့် ၊
ကျောက်စောင်းလေးတွေ တဖြည်းဖြည်း စုလာရင် တောင်ဖြစ်တတ်သလိုပါပဲ ။
တစ်နေ့ကို နှစ်နာရီ ၊ သုံးနာရီလောက် ငုံ့နေတာတွေ စုပေါင်းလိုက်ရင်
လည်ပင်းအတွက်ကတော့ တစ်ရက်လုံး ကလေးတစ်ယောက် ချီထားသလို ဝန်ထုပ်တစ်ခု ။

Meeting တစ်ခု ငုံ့ ၊ Report တစ်ခု ငုံ့ ၊ Message တစ်ခု ငုံ့ —
ရုံးထွက်ချိန်ရောက်တော့မှ လည်ပင်းက ဒီဝန်အားလုံးကို ပြန်တောင်းဆိုတာလေ ။

သိပ်ကို သတိမထားမိတဲ့ ဒဏ်ရာမျိုးပါ ။

ဒါပေမယ့် တစ်ခု သတိထားစရာ ရှိတယ် ။

ဖုန်းကို လုံးဝ မကြည့်ရဘူးလို့ ပြောနေတာ မဟုတ်ဘူးနော် ။
ငုံ့ထားတဲ့ ထောင့်ကို သတိထားပါ ဆိုတာပဲ ။

ဒီတော့ နောက်တစ်ခါ လက်ထဲက ဖုန်းကို ကြည့်ချိန်မှာ —
ကိုယ့်ကိုယ်ကို ပြန်မေးကြည့်ပါ ။
"ဒါ ဖုန်းကို မျက်နှာအနီးအထိ ချီတင်လိုက်တာလား ၊
ဒါမှမဟုတ် လည်ပင်းကို ထပ်ငုံ့ပေးနေတာလား ?"

ဖုန်းကို မော့ပါ ။
လည်ပင်းကို အနားပေးပါ ။
ကိုယ့်ကိုယ်ကို ချီးမြှင့်ပါနော် ။

💚 ဒီနေ့ တစ်နေ့လုံးမှာ လည်ပင်း ဘယ်နှစ်နာရီလောက် ငုံ့ခဲ့မိလဲ ?

Bonus လေး Comment မှာ ချန်ထားခဲ့ပါတယ်နော် 👇

Your neck isn't tired. It's just carrying too much, too low.

ကုသိုလ် ၊ ပညာ ၊ ဥစ္စာတိုးပွားတဲ့နေ့လေးဖြစ်ပါစေ ။
မိတ်ဆွေတို့ရဲ့မောင်ပီစီ